Kualidade ba kondisaun servisu nian reflekte duni iha ninia susesu. Central aplika regras ijiene ne´ebe rigorozu no seguransa atu proteje saúde ninia kolaborador sira no kliente sira, hodi fo formasaun konstante iha área no hodi garante atu fatin sira ne´e sempre mos no organizadu. Manipulasaun lojístika ba produtu saida de´it halo ho kuidadu ne´ebe boot no atensaun, hahu husi momentu ne´ebe entrega husi produtor orijem, to´o mai iha loja, hodi liu husi transporte, desalfandegamentu no armazenamentu lokal. Central aplika ba bastidor operasaun sira kriterius ejizensia ne´ebe hanesan nia aplika ba iha fatin ne´ebe loke ba públiku.

Central sai hanesan pioneiru iha utilizasaun saku papel iha ninia loja, hodi troka saku plástiku sira, no hetan kariñu no raga kompras nian ne´ebe bele uza fila fali no halo husi material resikladu. Iha kafetaria implementa eliminasaun total ba plástiku ne´ebe uza dala ida de´it, hodi la uza sedotan, kanuru, bikan no kopu plástiku sira iha takeaway.

Defeza ba ambiente mak prioridade ida iha prosesu gestaun Central nian, hodi sai hanesan ezemplu servisu rekolla plástiku ne´ebe fo ba públiku jeral. Iha loja nia oin iha kontentor ida atu rai embalazem plástiku ne´ebe sei rekolla husi entidade responsável ba gestaun rezidu. Central mos halo separasaun no enkamiñamentu internu ba tipu rezidu hotu ba operasaun valorizasaun.