Apoiu sosial ida ne´e hola parte ba Central nia ADN, ne´ebe ke komprometida tebes ho komunidade. Kopera ho instituisaun relijioza oin-oin, ho maneira kontinuada, hodi kontribui atu sira bele halo sira nia servisu ne´ebe importante atu apoiu ba grupu sira ne´ebe presija tebes no kbiit laek. Patrosina aksaun solidariedade, konsiensializasaun hasoru violênsia jéneru, kombate ba má nutrisaun, no eventu sira iha áreas ne´ebe oin-oin hanesan dezportu, arte, kultura no komunikasaun.

Central organija vizita guiada ba ninia instalasaun sira, hodi simu tiha ona sentenas de grupu husi eskola sira no instituisaun sira seluk. Vizitante sira bele hatene parte lojístika nian, hodi liu husi loja, armazen, zona konfesaun no eskritoriu, no mos funsionamentu negosiu nian, estratéjia ba prátika ne´ebe diak. Esperiensia ida ne´e serve mos atu motiva joven sira atu investe iha sira ninia formasaun no sira ninia futuru, hodi hatene katak empreza mos fo estajios no oportunidade atu servisu.

Kafetaria no esplanada páteo nian sai hanesan pontu enkontru ba komunidade iha Díli, ho nia lokalizasaun ne´ebe iha sentru no konveniensia hodi iha parke estasionamentu kobertu, ho pavimentu, ahi-naroman no seguru. Kliente hetan ba nia dispozisaun fatin ho hahán prátiku no saborozu, iha ne´ebe sente konfortável, protejidu no iha ne´ebe sempre simu ho diak. Ba Central haksolok tebes, hatene katak, liu husi servisu ida ne´e,, iha impaktu sosial ne´ebe pozitivu no hamosu relasaun emosional ho ninia viziñu, ne´ebe hahu no remata sira nia loron iha ne´eba.